بيغيروا منك
الثلاثاء 21 أبريل 2015
كتب
جمال بخيت وريشة هبة المعداوي
بيغيروا منِّك .. وباحب إنك .. مابتغيريش
ماشية فى حالك .. لكن جمالك .. ما بينتهيش
خدود بتبعت لشفايفى بوسة
وعيون بتحضن أيامى حضن
أما الشفايف كوكب أنوثة
مليان محبة .. وحنان .. وحُسن
يا ست قلبى .. ما يهمكيش
بيغيروا منِّك..
...
أنا اللى فاهم الدنيا دية
وباحب طيشها
على شفايفى بوسة جميلة
منك لاطشها
على شفايفك عمرى وجنونى
وكل رغبة أنا مش حايشها
منِّك وفيكى وحواليكى أعيش..
بيغيروا منِّك