صباحات

وصاكى يومها القناوى

ورمانى على حجرك

كان الضلام فجرك

وعيونى قمراية

وصلى على هجرك

همستلى غجرية

الخطوة مش ملكى 

والنظرة مش ملكى 

والحب كان غية

وصاكى يومها القناوى 

ورمانى على حجرك

شالك حرير أخضر

كل اللى غاب يحضر

وبلمسة من كفك

وأنا قلبى كما شالك

فاتح بيبانه ونس 

من بعيد جالك

وحياة حبيبنا النبى

النور صبح حالك

والضى بقى أعمى

يا أم العواجز أنا

أنا بت بيت منصور 

وأمى اسمها نعمة