2011

 عن كل اللى بيحصل تقريبا
ف حياتك من يوم ما بعدت
ف 1102
كنت بتتكلم عنها كتير
وبترمى الأسرار ف البير
وبتكتم دمعة كانت لازم تنزل
من الصدمة وف الشهر الأول
كنت بتضحك من غير أسباب
وبتجهز جواك ف عتاب
ومفكر إنكو راجعين
ف الشهر التانى
زعلت أكتر
أنها ولا سألت ولا حنّت
فكرت تكلمها ولكن
تليفونها اتغير كالعادة
فبقيت بتصلى ودموعك
بتبكّى معاك السجادة
ف الشهر التالت
ومنمتش
لساك سهران تستناها
وعيونك على طول شيفاها
بتضحك وياك كالعادة
بتقوم وتصلى ودموعك
بتبكّى معاك السجادة
ف الشهر الرابع قررت
أنها لو رجعت تشتمها
وتزعق حبة وتتعصب
بعدين من شوقك تحضنها
ف الشهر الخامس والسادس
بتحاول تنساها خلاص
ف الشهر السابع والتامن
بتودع دنيا الإخلاص
وبتعرف غيرها بنات ياما
علشان تنساها فـ بيحبوك
أنت بقسوة بتجرحهم
وتفوت السنة وأنت مفوتّش
لساك سكران منها مفوقتش
 2102
بتصلى وتدعيلها ف سرك
ربنا يحميها وكالعادة..
لساك بتعيط
ودموعك بتبكّى معاك السجادة
3102
بتحاول تبدأ من غيرها
دنيا جديدة
وبتكتب عنها ف قصيدة
وبتكتب أحلام عن بكرة
تلقائى بتتحول هى
ف 4102
«ذكرى».