العصافير

تصحى الصبح معاك عصافير

تصحى الضهر معاك عصافير

تصحى ف نص الليل بنلاقى

العصافير حواليك بتطير

صارت مواعيد العصافير

على مواعيدك

صار موالهم من تغريدك

لمسة إيدك

داوت كل جناح مكسور

إيه يا طيور؟!

هو ما فيش مصدر للنور..

إلا حبيبى؟!

العصافير  زعّلها سؤالى

لكن حست باللى جرالى

قالت زى ما قولت يا غالى

تصحى الصبح نحب الهمس

تصحى الضهر نحب الشمس

تصحى ف نص الليل نتواعد

نلمس ندى إحساسك لمْس

يرحل عن دنيانا الكدب

قولّى يا قلب

هو مافيش مصدر للحب

إلا حبيبى؟!