جوايا فرحة

بدون مناسبة 

عندى ليكى الليلة أكبر مــ الحنين

بدون مناسبة

ضحكتى مش عارفة تهرب مــ الأنين

وبدون مناسبة 

رَجْع صوتى لحن ناى أو عود حزين

كل اما أردد ضحكتك وسط السكوت

ترسم ملامحك خطوتي 

فــ أفرح وأفوت

والاشتياق يصبح وطن ويزيد

معرفش ليه من غير مناسبة

أنا حاسة إن الليلة عيد

كل لحظة وإنتى أجمل م الجميلة

كل لحظة وأنتى عيلة

أم..أب.. وناس كتير

تزرعى جوايا فرحة

تطرحى ورد وعبير