صباحات
الأربعاء 1 فبراير 2023
كتب
مى منصور
الشتا طبطب بإيده ع الكتاف
والضلوع ف الطل باتت
والقلوب من غير لحاف
بردان يا صوتى اللى اتنبح
من قبل م يلاقى النهار
قسمت قلبى بـ اختصار
ساحة ومحطات انتظار
يرحل وجع
استنى 100 مليون مرار
كم عام يا قلبى وانت لسة بتتوجع
كم عام ونبضك لسة باقى فيه أمل
رغم الحِمَل
بتخاف تغمس ضحكتك حبة فرح
بتخاف فتبلع بسمتك م الغلب حاف
لما الشتا طبطب بإيده ع الكتاف
والضلوع ف الطل باتت
والقلوب من غير لحاف
