وشك غريب

ليه قصدتى تبدلى كافة ملامحك

حاسة حزنك

وانتى برضو بتنكرى

قلبى لمحك

وانتى لسّه مشوفتنيش

  نفسى جرحى فى يوم يسامحك

نفسى يرجع نبضة ليه ونرجع نعيش

طب م تيجى نمشى تانى

نروح شوارعنا القديمة

نرمى ضحكتنا فى أحضان العيال

طب م تيجى نغنّى حاجة

بس أنا وأنتى

وتسمعنا الحيطان

أو م تيجى نحكى تانى

نحكى حاجة فى الخيال

وتسيبينى لوحدى أسرح فى العصاية والبساط

اعزمينى مرة تانى فى قهوة بلدى

وافطرينى من العياط

وامّا أقولك يلا بينا 

اسحبى منّى البساط

واحضنينى 

حسّسينى إن وجودك كان أهم من الخيال

سمّعينى بس صوتك

احكى حاجة زى زمان

وامّا أقولك قلبى لمحك

ليه قصدتى تبدلى كافة ملامحك

كذّبينى

بس شرطى

اعزمينى مرة تانى فى قهوة بلدى

وافطرينى من العياط

وامّا اقولك يلا بينا 

اسحبى منّى البساط

واحضنينى 

حسّسينى إن وجودك كان أهم من الخيال

سمّعينى بس صوتك

احكى حاجة زى زمان