يوم عجيب

كان يوم عجيب كله تعادل
«بـ صوت الفنان حسن الأسمر»
المجموعة الخامسة، مونديال 94
أغرب مجموعة فى تاريخ كأس العالم
الجولة الأولي
أيرلندا غلبت إيطاليا 1/-
والنرويج غلبت المكسيك 1/-
كدا أيرلندا والنرويج 3 بنط
إيطاليا والمكسيك أصفار
الجولة التانية العكس
إيطاليا غلبت النرويج 1/-
والمكسيك غلبت أيرلندا 2/-
كدا كلنا 3 بنط
الجولة الرابعة
كله بـ يلعب بـ يحذر
كله عايز يصعد
وفـ دور الـ 16 يبقى يحلها اللى بـ يحل
خصوصًا إن فيه أحسن توالت
يبقى أتعادل هنا
أبقى 4 بنط
حتى لو طلعت التالت
هـ أصعد
إيه اللى حصل؟
أيرلندا والنرويج صفر/ صفر
إيطاليا والمكسيك 1/1
فـ بقينا كلنا 4 بنط
وفرق الأهداف طبعًا متساوي
فـ تخيل حضرتك
المكسيك بقت أول المجموعة
لـ إنها سجلت 3 أهداف فى المجموعة كلها
والنرويج طلعت آخر المجموعة
عشان ليها هدف وعليها هدف
فى نفس اليوم بـ الليل
الجولة التانية بـ تقفل
البرازيل والسويد متعادلين
كدا متأهلين سوا
المباراة التانية روسيا والكاميرون
لو الكاميرون كسبت تصعد أحسن توالت
غير كدا محدش منهم يصعد
قوم روسيا بنت الوصخة
بدال ما ترد الجميل لـ الكاميرون
بتاع مونديال 90
تفوز 6/1
عكس سير اليوم كله
مش المهم الـ 6/1 «النتيجة المستفزة دى»
المهم
إن اتحقق رقمين أعجب من بعض
سالينكو مهاجم روسيا يسجل 5 أهداف
ويبقى ريكورد فى المونديال
أما هدف الكاميرون سجله روجيه ميلا
ميلا الحب الحب
فـ بقى أكبر لاعب يسجل فى تاريخ كاس العالم
تصدق الماتش دا
اللى هو خرج الفرقتين دا
كان أمتع ماتش فى يوم 28 يونيه 94
وهو الماتش الوحيد منهم
اللى هـ يفضل جمهور الكورة فاكره
ما عمر الأرض إنسان
وما قام فى مكة الأخشبان
أو بـ العربية الفصحي
فورإيفر