لى عشم وياك يا جميل

• وأنا صغير
كنت متعلقا بـالراديو
ما احبش التليفزيون أوي
دا لأن نظرى كان ضعيفا
وما عرفتش إنه ضعيف
غير فى تانية إعدادي
المهم،
دا خلانى أسمع كتير من الأغاني
قبل ما أشوفها فى التليفزيون
من الأغانى اللى مخولتني
«لى عشم وياك يا جميل»
بتاعة محمد فوزي، كلمات بديع خيري
• الأغنية بـتقول إيه:
لى عشم وياك يا جميل
إن بحت بـالسر تصونه
مكتوب على أحب وأميل
وحبيبى واحشانى عيونه
لحد هنا عادي
بـيكلم حبيبه، اللى واحشه، وبـيطلب منه يكتم السر
كلام، زى كلام الأغاني
ييجى بعدها يقول:
يا هل ترى يرضيك
من بعد ما جيتك
آخدك نصير وسند لي
تخلف رجايا فيك؟
وأنا يا اللى حبيتك
من كتر ما تحبك هي
هنا بقي
جالى استبحس لا إرادي
هى مين؟
أومال هو بـيكلم مين؟
وياخده نصير ليه؟
هل مثلا بـيكلم أبوها
أو أخوها؟
ما يصحش
يعنى هو هـيقول لـأبوها ولا لأخوها
إنه بـيحبها
ويطلب منه يكتم السر؟
طب بـ يكلم واحد صاحبه؟
مش معقول
يعنى هو بـيحب صاحبه
من كتر ما «هي» بـتحبه؟
إيه بقى؟
مفيش غير حل واحد:
هو بـ يكلم خطيبها
أيوه، كدا صح
بـ يكلم خطيبها
خصوصا إنه بعد كدا بـ يقول:
شاهدت حسن كتير وقليل
فى دنيتى ألوان
ما لقيتش زى جمالها مثيل
ولا حتى فـالغزلان
والشوق محيرني
والليل على طويل
وأنا إيه يصبرني
غير شكوتى لـزميل؟