أوفر ثينكرز

• أنت أوفر ثينكر؟
- تصدقى، أنا سهران طول الليل أفكر
إذا كنت أوفر ثينكر ولا لأ
ما وصلتش لإجابة
• ممكن أساعدك تتعرف على نفسك.
- يا ريت
• هل بتيجى فدماغك أسئلة من غير إجابات؟
- زى إيه؟
• كيف بدأ الخلق مثلا؟
- تؤ
• احنا عايشين ليه؟
- أكيد لأ
• هل يا ترى تيتا الله يرحمها سامحتنى قبل ما تموت على إنى بوظت لها فرشة السرير وأنا عندى تلات سنين؟
- تيتا لسه عايشة أصلا.
• طيب، سلمى اللى كانت معايا فابتدائى، وكنت بحبها فى صمت، هل يا ترى عرفت ساعتها إنى كنت بحبها، ولا ما خدتش بالها؟
- كنت فمدرسة ولاد من ابتدائى، وقلت لك إنك أول بنت أحبها.
• ليه ربنا خلقنا فقرا ما خلقناش أغنيا؟
- انتى حمارة؟ ما احنا أغنيا فعلا.
• آه صح، طيب إيه، مفيش أى سؤال ب ييجى لك مالوش إجابة؟
- فيه كتير
• زى ايه؟
- دكر النملة اسمه ايه؟
• الله عليك، ايه كمان؟
- لو مسمار فضائى دخل فى الكرة الأرضية، وفست، ينفع ننفخها تاني؟
• حبيبى، ادينى أكتر
- ليه بنقول ع اللى مش معاه فلوس «مفلس»؟ المفروض المفلس هو اللى عنده فلوس مش العكس
- بس بس، أنت دخلتنى فالحالة، أنا ليه ما عرفتكش من زمان؟ ليه ما عرفتكش من زمان؟ ليه ما عرفتكش من زمان؟
كت
هايل
نيكست •