أنساك دا كلام

أنساك ده كلام؟.. أنساك يا سلام!!
أهو ده اللى مش ممكن أبدا.. ولا أفكر فيه أبدا
دا مستحيل قلبى يميل.. ويحب غيرك أبدا
أهو ده اللى مش ممكن أبدا
غصن أول
ولا ليلة ولا يوم.. أنا دقت النوم.. أيام بعدك
كان قلبك فين.. وحنانك فين.. كان فين قلبك
أنا أنسى جفاك.. وعذابى معاك.. ما أنساش حبك
أنساك ده كلام.. أنساك يا سلام!!
وأحب تانى ليه.. وأعمل فى حبك إيه
دا مستحيل قلبى يميل.. ويحب غيرك أبدا
أهو ده اللى مش ممكن أبدا
غصن ثان
ذكريات حبى وحبك ما انساهاش.. هى أيامى اللى قلبى فيها عاش
فيها أحلامى قلتها وحققتها لى.. وفيها أحلامى لسه أنا ما قلتهاش
اللى فات من عمرى.. كان لك من زمان
واللى باقى منه.. جاى لك له أوان
وأحب تانى ليه.. واعمل فى حبك إيه
دا مستحيل قلبى يميل.. ويحب يوم غيرك أبدا
أهو ده اللى مش ممكن أبدا
غصن ثالث
كان لك معايا.. أجمل حكاية.. فى العمر كله
سنين بحالها.. ما فات جمالها.. على حب قبله
سنين ومرت.. زى الثوانى.. فى حبك أنت
وإن كنت أقدر.. أحب تانى.. أحبك أنت
كل العواطف الحلوة بينا.. كانت معانا حتى فى خصامنا
وإزاى تقول أنساك واتحول.. وأنا حبى لك اكتر م الأول
وأحب تانى ليه.. وأعمل فى حبك إيه
دا مستحيل قلبى يميل.. ويحب يوم غيرك أبدا
أهو ده اللى مش ممكن أبدا