جروبز

الحلم بحياة أحلى
فى shifteshy  شفتشى

كتبت  نهى العليمى:

شفتشى صفحة مميزة على الفيس بوك بدءا من اسمها وصولاً  بهدفها وهو البحث عن السعادة فى كل تفصيلة فى حياتنا .. ومساعدة أعضاء الصفحة فى رحلة البحث ولأن   shift    تعنى التغيير فقد جاءت كلمة  shift-eshy    لتظهر هذا الهدف الأساسى للصفحة .. وهو التغيير للأفضل .. وهو ما يظهر فى كل بوست على الصفحة لنحول بيوتنا وحياتنا للأحلى بجميع الوسائل والطرق ومع أنها موجهة بصورة مباشرة للبنات إلا أن هناك العديد من الرجال المتابعين للصفحة بحثاً  عن التغيير للأفضل .. ومع أن الصفحة بدأت منذ عدة أشهر إلا أن متابعيها وصلوا إلى ما يقارب  63000  عضو وسبب التسمية أيضاً  كما هو مكتوب على الصفحة مقتبس من فن الشفتشى وهو فن شعبى مصرى قديم .. يعتمد على الحلقان والخلاخيل والكفوف والخمسة وخميسة.
الكلمة نفسها «شفتشى» يعنى «شفت شىء» يعنى شفت حاجة من ورا الدلاية النحاس المفرغة .. أحيانا بتستخدم كلمة شفتشى على الشىء الشفاف الذى يشف ما وراءه .. وهو فن يدوى وأدواته بسيطة هى السلك النحاس .
وهذا الفن الشفتشىFiligree    كان   فى اليونان وفرنسا إلى القرن الـ  19  ورغم جماله وبساطته بدأ يختفى وبدأت صناعته تندثر .. وهناك حملات يقوم بها فنانون لإحيائه .. وكانت بداية الأدمنز بعشقهم لهذا الفن وتطور هدفهم من مجرد الإبداع باستخدام الخامات البسيطة للإبداع فى رسم حياة أفضل لمن حولهم ومساعدتهم لتحقيق ذلك .. بنصيحة بناءة أو دعوة للتفاؤل أو محاولة رسم ابتسامة . •

من كراكيب .. لأنتيكات .. لشفتشى

ندى ترك مهندسة معمارية ومنة أحمد تعمل بالتسويق هما الأدمنز للصفحة .. شد انتباهى مقدار الشغف الذى تتحدث به ندى عن الصفحة فتحكى عن بداية الفكرة: كانت مجرد فكرة أو حلم .. حلم بيها اتنين صحاب .. كان عندهم هواية .. إنهم يحولوا الحاجة الوحشة لحاجة حلوة .. يعنى بكرة مناديل خلصانة ملهاش لازمة .. ممكن تبقى حامل إكسسوارات تحفة برطمان صلصلة كان هيترمى .. يطلع منه حامل للشمع .. إيشارب شكله مميز شوية وعلبة تورتة آيس كريم .. أو كرتونة مياه معدنية فاضية بقت ركنة تحفة فى الأوضة .. وكانوا بيتنافسوا فى هوايتهم دى سوا .. والشاطرة اللى هتحول الكراكيب لأنتيكات .  •