إيـــه يا دنيــا

إيه يا دنيا..

انتـى إيـه؟!

غاوية حيرة القلب ليه؟!

انتى جنة عايشة فينا؟!

ولّا غنوة شوق حزينة؟!

بتبيعينا وتشترينا..

زى وهم كبير مالينا

وإحنا مش قادرين عليه

..…

كنا لمة وافترقنا..

كنا صحبة واتسرقنا

كنا نسمة فى العلالى 

والغيوم سدت سماءنا

كنا نور يهدى الليالى 

الطمع شتت ولاءنا

انتى جنة عايشة فينا

ولّا غنوة شوق حزينة

بتبيعينا وتشترينا..

زى وهم كبير مالينا

واحنا مش قادرين عليه

..…

يا حبايب الدنيا هلوا.. 

واعرفوا احسن تضلوا 

اللى باعها وباع هواها

بتراضيه وبتتمايل له

واللى عاش يجرى وراها..

مهما كان لازم تذله

انتى جنة عايشة فينا؟!

ولّا غنوة شوق حزينة؟!

بتبيعينا وتشترينا..

زى وهم كبير مالينا

وإحنا مش قادرين عليه

..........

تتر مسلسل (أحلام العنكبوت)

قصة وسيناريو وحوار:

سلامة حمودة

ألحان:

فاروق الشرنوبى

غناء:

مدحت صالح

إخراج:

حسن حافظ