امتى المغرمين ينولوا

امتى المغرمين ينولوا

امتى المحرومين يطولوا

إمتى الساكتين يقولوا

كلمة الحق المبين 

كلمة النور الأمين

لما ظلم الظالمين 

فى الميدان تكتر خيوله..

امتى؟!

 

يا جراح الخوف كفاية

خطوتك على كل سيرة

كل فرحة فى الحكاية

تعرفك تصبح كسيرة 

امتى عمرى يشوف جماله

والأدان ينده بلاله

كل شهر يبوس هلاله

كل عام يحضن فصوله..

امتى؟!

الطيور هجرت سماها

والشطوط فى البحر تاهت

والنجوم خاصمت ضياها

والأمل فى عيونها باهت

بس قلبى من النهارده

راح يمد الحب وردة

لو يشوفها الفجر يرضى

بعد حزن الليل بطوله..

امتى؟!

تتر مسلسل

كوم الدكة

قصة وسيناريو وحوار:

أحمد المحمدى

ألحان:

أحمد الحجار

غناء:

على الحجار

إخراج:

عبدالله الشيخ