طريق القمر

ضليت طريق القمر

بين الرياح والسيل

حتى النهار اختفى

ولبس عباية ليل

مديت إيدين خايفة

وعيون ما هيش شايفة

لا وصلت بر الأمان

ولا عدلت الميل

…

كان نفسى شمس الهُدى

تاخدنى من إيدى

وتعدّى بيّا الحدود

وأوصل نهار عيدى

العقل ليه ضلنى

والقلب ما دلنى

ولقيتنى بازرع أمل

وأحصد حصاد الويل

... شِلت الأمانة سنين ..

وياريتنى شلت جبال

ولا توهت بين دنيتين ..

ولا ضعت جوّة سؤال

ياريتنى أرجع ندى

فرحان بنور المدى

وادخل بلاد الرضا

من غير سيوف ولا خيل

 

تيتر مسلسل (قلب الليل)

قصة: نجيب محفوظ

سيناريو وحوار: محسن زايد

غناء: مدحت صالح 

لحن: فاروق الشرنوبى

إخراج: بسام سعد