ويجرى النهر

ويجرى النهر بعظمته 

يفيض ع الدنيا بكرامته 

وبركان الغضب قادر 

ف يوم يخرج على صمته

 

يا خلق ولادنا عايزنّا

نقوم نعدل موازينّا 

يشوفوا الحق بيزينّا

زمان النور يقوم قومته 

ويجرى النهر بعظمته

 

أبالسة وقاموا من نومهم 

فلا تعوموا على عومهم

ح ييجى يوم ماهوش يومهم 

نشوف النصر وعلامته 

ويجرى النهر بعظمته

 

تيتر أغنية نهاية حلقات مسلسل (أرض الرجال)

لحن: إيهاب محيى الدين

غناء: مدحت صالح 

إخراج: أحمد عبدالحميد