غنوة

دفعة وزمايل كلنا ماشيين

السكة وحدة والطريق واحد

الهم واحد والغناوى كتير

نبدر نهارنا الجى ع المشوار

نربض نعاشر ع الطريق مشاوير

نطرح نهار وفــ عبه طارحة سنين

من بياعين الورد لوِرد نص الليل

من شحاتين الود لبياعين الشاى

صاحبى اللى ركب القطر فوق الرف بيغنى

ازاى والف ازاى 

صاحبى اللى شوفته ع المحطة 

وركب معاى ازاى

تيجى المحطة التانية بدون مَ يبقى معاى

صاحبى اللى قسم الحلم جوه الدم والبكرة

صاحبى اللى سابلى الذكرى فوق الرف بتغنى

والقطر سافر والسكك فاكرة

شكل المحطة والطريق والليل

غنوة فى قلب الفجر بالقناديل