سلام للأرض

سلام للأرض ورجالها 

حرام ع المُر لو جالها

لا ساقيتها ح تروينا

ولا نحصد بمنجلها 

…

حسودى شاف حنان أرضى

طمع ينعم بغربتنا

وأنا ف أرضى باعيش مرضى

ولا يطمّنى غير  بيتنا 

و أحلامى اللى بارسمها 

مع الأحباب باقاسمها 

وأهدى لأهلى أجملها 

سلام للأرض ورجالها

…

سلام للناس وأحلامهم 

ما يستاهلوش ضنى الأيام 

ولو ليل الجراح لامهم 

نقول له يا ليل كفاية آلام

خلاص الحب ف خلاصنا 

وزينة الدنيا إخلاصنا 

لا سلطانها ولا مالها 

سلام للأرض ورجالها 

.................….  

 

تيتر مسلسل أرض الرجال

لحن: إيهاب محيى الدين

 

غناء: مدحت صالح 

 

إخراج: أحمد عبدالحميد