مع إنه كان أُمِّى

سَمِّى باسم الله

وافتح كتاب الله

لما الكتاب يتقرا يبقى الكتاب عَلِّم

عَلِّم فى صفحاته جوه الآيات معنى

والمعنى فى الكلمات

والكلمة لها تشكيل بالكسرة والفتحه

والمعنى يتغير م الكلمة للكلمة

حتى وإن كانت كلمه شبه كلمه

هى الكتابه سابقه؟

وللا القرايه لاحقه؟

ما هى واضحه فى القرآن

لما المَلَك جاله وهو جوه الغار

قاله الملك اقرأ

مع إنه كان أُمِّى

سأله الرسول جمله فيها ثلاث كلمات

رَدْ المَلَك أمَرُه

أمَرُه ثلاث مرات

اقرأ باسم الله

وكانت الأولى لفاتحة كتاب الله

والعِلم جه بالقلم

مِن ربنا الأكرم

لكل جنس البشر

عالِم ولم يعلم

وَحْيَك نِزِل ع النبى كُل السُّوَر إعجاز

«الفاتحه» بدأت به وبينتهى «بالناس»

قادِر يا رب الكون

 تهدى بها عبدك

إللى اتخلق من طين

وأى شيء تؤمر 

تقوله كُنْ فيكون.