بنت الجيران

بنت الجيران كبرت فجأة..

فتحت بيبان قلبى برقة

قولتلها عاشق.. بصتلى..

ماقالتش أيوة.. ولا لأة   كانت مع الصمت تعدى..

هيّة وفستانها الوردى

دلوقتى كل ما بتهدى..

تسمع وراها ميت شهقة   ورد الحنان.. فيضان طارح..

والعود بقى غير امبارح

سارح.. ومستقوى وجارح..

وكل حاجة فيه ناطقة   العود.. وأشواقه الحارّة..

طاغى.. بأمواجه الحُرة

مسرّة.. من بعد مسرّة..

وكل ما تدور.. تلقى  

كبرت.. وكبرت أسرارها..

وبقينا نسهر لسهرها

والصبح نتمنى ظهورها..

والقلب يتعب م الفرقة

  العين تسلم بحرارة..

وخطوتك ليه محتارة

خايفة من الحب يا جارة..

ولا انتى مش لاقية الجُرأة

قولتلها عاشق.. بصتلى..

ماقالتش أيوة.. ولا لأة