الصورة والتفاصيل
مى منصور
الصورة والتفاصيل
والدنيا من جوه
الحلم والأسرار
كات باختصار حوا
فكرت يومها اهرب
كانتلى بالقوة
......…
كنت القدر
كانت صدف
كانت مطر
رمش وحدف
سهم ورشق
قلبى عشق
.......…
آخر جنان
قسوة وحنان
العقل دق
القلب شق
فى روحى بيت
وانا بابى رق
.....…
ايدى فى ايديها ضحكنا ع الدنيا
ايدى فى ايديها الدنيا بالألوان
ايدى فى ايديها خوفى كله أمان
وسابتنى فجأة ف توهت فى العنوان
.........…
بحكى عليها الصدفة والأيام
بحكى عليها حلم م الأحلام
بحكى عليها الكل مش واحد
كات كلهم فى شخصها الواحد
............…
أنا كنت أجبن حاجة فى الصورة
شافت ساعتها الكادر ميساعناش
واللقطة فى ايديا ف حسبتها ببلاش
راحت ونبض القلب قالى أنه جى ومجاش
..........…
هى الحاجات والمحتاجات هى
تحضر فيحضر كل شىء فيا
تروح وتيجى وتيجى بس تروح
وتسيب فى قلبى عشقها المطروح
......…
الصورة والتفاصيل
والدنيا من جوه
الحلم والأسرار
كات باختصار حوا
فكرت يومها اهرب
كانتلى بالقوة