امسك فى إيدى
الأربعاء 15 أبريل 2026
كتب
شعر: مى منصور ريشة: عبدالحق سليم
امسك فى إيدى واوعى لحظة تسيب
افرح وغنى مسيرها مرة تصيب
نمشى الطريق مع بعض
يحرم علينا البعد
وان عاندت المسافات
هتلاقى قلبى قريب
كتفك فى كتفى
حملنا هيهون
كفك فى كفى
مش مهم اللون
روحك فى روحى
يلف بينا الكون
شايلك ف عينى
وجوه قلبى حبيب
امسك فى ايدى واوعى
لحظة تسيب
ايدك فى ايدى
مش مهم مكان
نمشى الطريق
م يهمنا عنوان
ضحكتنا فجر
وفرحنا ألوان
نرسم نهار
فيه شمس مش بتغيب
امسك فى ايدى واوعى لحظة تسيب
الأغنية الرسمية لمهرجان الأقصر للسينما الأفريقية الدورة 15