الكلب

لو ليك حاجة

عند الكلب

قول له يا كلب

مافيهاش حاجة

دا حتى الكلب ممكن يزعل

لو شبهته.. بالإنسان

عمرك شوفت الكلب بيسرق

مع أنه دفيان شبعان

عمرك شوفت الكلب

ف مرة..

بياكل أخوه

عمرك شوفته بياكل صاحبه

والناس اللى..

بيحبوه

..…

لو ليك حاجة عند الخلق

ما تشحتهاش

الحاجة

يا تيجى بكرامة يا إما بلاش

والكلب اللى بيفرح بيك

وبيحميك

م النواحى دى

والنواحى دى

علشان يوم طبطبت عليه

قول له بكل الحب

يا سيدى