وتر الهوى

ولا كل اللى بيغنى

على وتر الهوى .. أهواه

ولا كل اللى قال عنى

قصايد عشق ح اتمناه

ولا كل الضيا .. ضيَّك

ولا كل الجمال .. زيَّك

رمانى الشوق على حيَّك

ولا غيرك أحب لقاه

….

كأن الحب أغنية

بتتغنى على بابَك

كأنى ليلة قمرية

تقاسى الوحدة ف غيابك

كأنى نسمة برية

مسيرها ترق ف رحابك

ويرجع للغرام معناه

….

حنان اللمسة من إيدَك

وتغريدك نِدا ومصير

وعطرى ف الهوا يريدك

وأشواقى بدون تفسير

لو اهرب قلبى بيعيدك

على عرش المحبة أمير

ينادينى .. ألبّى نداه