الأيام

الأيام فيها الأحلام

فيها محبة وفيها سلام

الأيام رسمت ملامحنا

ضحكة بتفرد وش المحنة

وح نعمل إيه ف الأيام

….

أيامنا لو تبقى معانا

تقابلنا وهى مسامحانا

وتخلى الأحزان تنسانا

وتحلّى مرار الأيام

واما تدور تقسى وتجرحنا

وتنسينا حلاوة روحنا

وبتزعل لو مرة فِرحنا

بعدين وياكى يا أيام

…..

أصعب أيامنا .. الغدارة

بتسيبنا غُربا .. وحيارى

…..

أصعب أيامنا اللى تسيبنا

ف الغربة بعيد عن حبايبنا

تطوّل وآلامها تعذبنا

تكوينا ليالى وأيام

….

أجمل أيام اتمنيتها

وعدتنى تاخدنى ف سكتها

وف أول ثانية ف ضحكتها

راحت ف زحام الأيام