وما قدرتش

داريتى الدمعة ف عينيكى ..

وصوتك أعلن الأحزان ..

وبصيتى إلى المجهول ..

وغابت عنك الألوان ..

جريحة .. والألم طاغى ..

ويأسك أصبح العنوان ..

وجواكى لمحت سؤال ..

عن الحب اللى كان ياما كان ..

كأنك كنتى محتاجة ..

لضمة تقتل النسيان ..

ظهر عصفور غريب سارح ..

وطيف أحاسيس من امبارح ..

بيرفع راية العصيان ..

ما فيش بينّا سوى الذكرى ..

ما فيش حاضر .. ما فيش بكرة ..

وانا قلبى ما فيهش حنان ..

ولا مساحة لحب زمان ..

وإحساسنا ببعض زمان ..

وما قدرتش.. أكون الفجر والأحضان ..

وما قدرتش.. أكون قشاية للغرقان ..

وما قدرتش.. أكون إنسان ..

بيدى الحب للإنسان