البرواز

قلبك ضاع

ف الأوجاع ..

يا للى عشقت الصورة وعشت

تطوي عليها ضلوع دهبية

حب وغربة وصبر.. وهية..

باصة بعيد

من غير  تحديد

شايفة الكون فرحان وسعيد

وانت حزين

شايف الصورة جوة حدودك

بس وجودك

غير  ملموس

كل الناس مشتاقه إليها

كل الناس واخدينها مزار

جنة ونار

خطوة ما تتعب م الأسفار

وانت معلق من مسمار

بينه وبينك خيط محكوم

يا مظلوم

يا للي قضاك تفضل محروم

لحظة وصل

تشعر فيها بعشق الصورة

وعشق الأصل

بس إزاى؟!

وانت دهان وخشب وقزاز

يا برواز!!

يا برواز!!