قلبى اتخلق كده

قلبى اتخلق كده

الكدب يجرحه

بكلمة تملكه

وبورده تفتحه

يعشق ويصطفى

واخاف لينطفى

لو سهرت النجوم

وحبايبه روّحوا

قلبى اتخلق كده

يعشق حريته

لو يبدأ السفر

ما اعرفش سكته

لو يبدأ الغُنا

ما اقدرش اسكّته

ونبضته الجريئه

ع الشوق متعوده

قلبى اتخلق سفينه

بتعشق الموانى

وتقابل كل مينا

بالحب وبالأمانى

لكن ف يوم ما ترسى

تحلم بشط تانى

تحلم بموجة تانيه

وأحاسيس متجدده

قلبى اتخلق كده