عقلك فى راسك ده آه.. وده لأ

لا تختارى الحيلة الدلوعة يطلع عينيكى وتعيشى طول عمرك شايلة همه

اختارى

المحترم اللى انتى كل دنيته  و لاتختارى اللى عينه فارغة

اختارى

اللى عمره ما يسيبك تباتى زعلانة  ولا تختارى الكياد

اختارى

اللى مقضيها معاكى دلع ولا تختارى اللى ما يضحكش حتى للرغيف السخن

اختارى

اللى يحبك من شعر رأسك لرجليكي ولا تختارى اللى فى أى لحظة يغدر ويتجوز عليكي

اختارى

اللى يصرف عليكى وتتباهى بشهامته  ولا تختارى اللئيم اللى مدعى الفقر ومقطع بيجامته  

 

اختارى

الرايق اللى على طول مبتسم ولا تختارى البوز اللى قدام الناس يحب يترسم 

اختارى

اللى نفسه حلوة وراضى  ولا تختارى اللى ناقم على الدنيا وعامل فيها قاضى

اختارى

النزيه اللى بالغالى  يشبكك ولا تختارى اللى يستخسر فيكى وميعرفش يقيمك

اختارى

البشوش اللى لا يحقق ولا يدقق  ولا تختارى الكشر اللى مبيضحكش لحسن وشه يشقق

اختارى

الراجل اللى يجرى على اللقمة ويصون العيشة  ولا تختارى اللى صارف فلوسه على القهاوى والمزاج والشيشة

اختارى

اللى يسعدك ويسند ضهرك  ولا تختارى اللى يقهرك ويقصف عمرك  

اختارى

الراجل اللى يفهمك من غير ما تتكلمي ولا تختارى اللى يطنشك لما تتألمى

اختارى

اللى واثق فى نفسه وفيكى ولا تختارى اللى قاعد لك ع الواحدة ومن كاس الشك ساقيكى

اختارى

اللى يعشقك ويعيش عمره ليكى ولا تختارى اللى يبيع ويشترى فيكى  

 

اختارى اللى ييجى معاكى سليم وعدل ولا تختارى اللى يحور ويقولك أصل أنا منفصل  

اختارى

اللى يحترمك قدام عيالك حتى لو مختلفين ولا تختارى اللى يهينك قدامهم من غير أخلاق ولا دين

اختارى

اختارى اللى يصحى من النوم رايق من غير عتاب ولا لوم ولا تختارى اللى صباحه يغم ويقفل لك اليوم

اختارى

اختارى المحترم اللى يفضلك على نفسه ولا تختارى الأنانى اللى يجيب بس اللى فى نفسه

اختارى

اللى يحضر لك الفطار ويصحيكى ولا تختارى اللى مستعبدك وليل نهار مرازيكى 

لا تختارى

اللى غاوى لت وعجن الرجولة تقل وعقل عمرها ما كانت شنب ودقن