قلبى اللى مرمى ع الرصيف

قلبى اللى مرمى ع الرصيف

ميهزهوش البرد

يطوى الضلوع وقت الخريف

ويلاغى حر الصهد

يفردها تبقى رغيف

تخاريف وجزر ومد

ضليلة ع الحرافيش

ونسور ف وقت الجد

ضحكة ولمة وعيش

ناكلو الغناوى ونشبعو

راضيين وحامدين المافيش

ونبوس إيدين الدندنة

قلبى أنا.....

عصفور وطاير ف البلاد والحلم ريش

بيدق فوق صدر النهار والطيبين

فيسرسب النور اليتيم بشويش

ويدق فوق صدرى الحزين

فيعاكس القمرات ف ضهر الشيش

قلبى أنا...........

جنيّة عاشقه للوطن

والجمر مدّد ع الحنين

لو كلهم هتفو باسمك ف الشمال 

حتلاقى قلبى بيتنفض

ف أول إشارة ع اليمين