احضنينى

وشك غريب

ليه قصدتى تبدلى كافة ملامحك

حاسة حزنك 

قلبى لمحك

وانتى لسه مشوفتنيش 

نفسى جرحى فى يوم يسامحك

نفسى يرجع نبضه ليه ونرجع نعيش

طب م تيجى نمشى تانى

نروح شوارعنا القديمة

نرمى ضحكتنا فى احضان العيال

طب م تيجى نغنى حاجة

بس انا وانتى

وتسمعنا الحيطان

أو م تيجى نحكى تانى

نحكى حاجة فى الخيال

وتسيبينى لوحدى اسرح فى العصاية والبساط

اعزمينى مرة تانى فى قهوة بلدى

وافطرينى من العياط

واما اقولك يلا بينا 

اسحبى منى البساط

واحضنينى 

حسسينى ان وجودى كان أهم من الخيال

سمعينى بس صوتك

احكى حاجة زى زمان

واما أقولك قلبى لمحك

ليه قصدتى تبدلى كافة ملامحك

كذبينى

بس شرطى 

اعزمينى مرة تانى فى قهوة بلدى

وافطرينى من العياط

واما اقولك يلا بينا 

اسحبى منى البساط

واحضنينى 

حسسينى ان وجودك كان أهم من الخيال

سمعينى بس صوتك

إحكى حاجة زى زمان