إيمان عز الدين
عقلك فى راسك
ممكن لما حد يلاقى حد متغير يدعيله بدل ما يزعل منه
ويقول عليه صفات بعيدة عنه
علشان ممكن الأسرار فى حياته تكون كفيلة ترقدك لو سمعتها
مش لو عشتها
طلقنى أو يلا نسيب بعض فى معظم الأحيان معناها
قولى بحبك، وطمنى إنك متقدرش تستغنى عنى
وإنى لسه مهمة فى حياتك، ولسه شايفنى حلوة
ومفيش حد أو حاجة تقدر تغيرك من ناحيتى
ولسه ليا خاطر عندك زى زمان
ومستعد تعمل أى حاجة علشان تراضينى لما ازعل
وإنك فاكر تفاصيلى ومهتم
إوعى تتهور؛ افهم الأول
الألماس فى الأصل عبارة عن عنصر عادى جدا فى الطبيعة لكنه تعرض لضغط هائل مع حرارة بركانية لفترة زمنية طويلة
ثم صقل عنيف وكثيف
والنتيجة أنه أصبح قمة الصلابة والقوة والقسوة
وفى نفس الوقت منتهى البريق والسحر والجاذبية
أما عن القيمة فهو الأحلى والأعلى والأغلى... وصلت؟
محاولتك الانتصار فى معركة كلامية بالعافية
وأنت عارف إنك غلطان معناه خسارتك للى قدامك... مش شطارة
اتعود تشوف الدنيا بعين طائر مش عين نملة
أكيد هتلاقى فرق كبير قوي
احترم قوى الناس اللى
الفلوس تحت رجلها
وكرامتها تاج على رأسها
مش العكس
اتعرضت للخيانة كتير قوى
لكن مع التجارب
اكتشفت إن أبشع أنواع الخيانة هى خيانتك لنفسك
إزاى ؟... الاستسلام
(تسليم نفسك لليأس)
احرص على حماية صدرك ممن يدعون الحب أو الصداقة
أكثر من حماية ظهرك من طعنات الأعداء المحتملة
فكم من الجرائم ترتكب تحت مسمى الحب والصداقة
قبل أن تطأ قدماك أرض مملكتى سائلا، أو عابرا، أو مهاجرا، فتذكر أننى لن أغفر لك أى خطيئة ما دمت سأخبرك من البداية بدستورى
لما تموت إن شاء الله وربنا يحاسبك على إنك
أذيت حد نفسيا
أو خضت فى سيرته بالباطل
أو تسببت فى قطع رزقه... مينفعش تقول ساعتها مكنش قصدى
النفس الأمارة بالسوء تساوى... شر
النفس اللوامة تساوى... ضمير
النفس المطمئنة تساوى... خير
إذا الشر والخير يفصل بينهما الضمير متى وجد
خصم شريف أفضل من صديق خسيس
مفيش حاجة اسمها ضل راجل ولا ضل حيطة
علشان عمرنا ما سمعنا أن فيه حيطة
بتخون وتغدر
أو تؤلم وتجرح
أو تبيع وتظلم
أو تستنزف وتستغل
أو تأذى وتوجع
بالعكس
الحيطة بتدارى وتستر وتحمى وتضلل
وبدون مقابل
فيه فرق كبير قوى بين حد له قيمة وحد له ثمن
لما تلوى دراع واحدة بنت أو ست تحت أى ظرف أو مسمى
افتكر يا غشيم أن عندها دراع تانى
ممكن تلطشك به على وشك تبلعك لسانك
يا هذا
إن كنت تنتظر ركوعى فلتأت وقت صلاتى
فأنا لا أخضع لأحد ولا أركع إلا لمن خلقنى
