أصدق حضن فى المطارات

وأصدق حضن فى المطارات

نشوف جواه مين الثابت

ومين عافر عشان يفضل

ومين استسهلت سابت

وإنى الدنيا ليها قانون

خلق له البشر ثغرات

أصدق حضن فى المطارات

 

أصدق حضن فى المطارات

عشان الشوقة واللهفة

وقلب اتعلم العفة

فى غربة كئيبة أو جافة

ف مهما تميل كده الدفة

بتعدل لما تتأكد

بإنه الوقت لسه ما فات

أصدق حضن فى المطارات

 

أصدق حضن فى المطارات

لأن الروح بتحضن روح

ف تتأكد منين ماتروح

بأنه أكيد

بلمسة إيد

بتعرف طبطبة ربك

فى حضن الوطن ملموس

أخيرا رؤية بعد كابوس

تقول إنه اللى هيشيلك

وراح يتعب وهيجيلك

مشاعر شخص بيحبك

وبيضمك

بصدق مشاعره مش بإيديه

شيلة الحضن روح تسند

فى وش الغربة لو تعند

ف لو بعدت كتير مسافات

شيلة الحضن مش عضلات

ف اكتر حضن بيطمن

أصدق حضن فى المطارات.