صباح الخير
الأربعاء 28 فبراير 2024
كتب
مى منصور
صباح الخير على القاعدين وع الماشيين
وع الحلم اللى اتقسم نصين
صباح الخير على الأتيليه وع البستان
وعلى بوسة فـ ميدان عابدين
فريد مستنى تندهلى ونجيب سامعك بتصرخلى
وحشتينى يا نور العين
صباح الخير على الحرية وستيلا
وأى مكان يساع اتنين
يساع قلبك وكفينى
يساع حضنك على الكفين
صباح السيدة وبَحّه
ومدد الأوليا الصالحين
صباح وقفتنا ع الكورنيش
وبيتنا اللى اتزرع ف النيل
وقسمناه على كيفنا
صباح سارح على أرضك
لبَعد البَعد
احنا اتولدنا ف الحياة
ولّا اتولدنا فـ حضن بعض