كام مرة وقعت ؟

كام مرة وقعت فى لعب الكورة 

وماتعورتش 

كام مرة وقعت فى ذنب خطير

وماستغفرتش 

كام مرة وقعت وقلت أنا آسف 

ماستكبرتش 

كام مرة وقعت فى حلم كبير 

لكن بغباء ماتهورتش 

كام مرة وقعت فى حزن وضيق 

علشان ببساطة مادمعتش 

وليالى وقعت فى ندم الماضى 

أنا أصلى عملت وماعملتش

كام مرة وقعت قدام خيارين 

واخترت كإنك ماخترتش 

كام مرة وصلت فى مواعيدك 

وزهقت عشان ماتأخرتش 

كام مرة ومرة وقعت عشان 

دايما بتوافق مارفضتش