مكتوب عليا

مكتوب عليا

عشقك

والأمر مش بإيدى

ولو   كان   بإيدى

أمرك

كنت.    بعمرى  

اشتريك

واغزلك من رموشى 

توب

بلون أخضر  يِكفِيكِ

واخدك  فى حضنى

شوق

من كل حاسد أرقيك

ولو عليا

جوا   عينيا    أخبيك

وأقيدلك من صوابعى 

شمع

أنور بيها  لياليك

فيكِ  أبويا   اتولد

ومن  قبله   جدى

اتوجد

وأنا.

مثوايا تراب أراضيكِ

عايش في  ضلك

ونبتى من  خيرك

في   قلبي   حبك 

للأبد

وحبي    لغيرك

ما اتوجد

ولو جابوا  لى ألف

بلد

غيرك    يامصر 

ما يرضينى