حوا

إيدى فى إيديها ضحكنا ع الدنيا

إيدى فى إيديها الدنيا بالألوان

إيدى فى إيديها خوفى كله أمان

وسابتنى فجأة ف تهت فى العنوان

••

بحكى عليها الصدفة والأيام

بحكى عليها حلم م الأحلام

بحكى عليها الكل مش واحد

كات كلهم فى شخصها الواحد

••

أنا كنت أجبن حاجة فى الصورة

شافت ساعتها الكادر ميساعناش

واللقطة فى إيديا ف حسبتها ببلاش

راحت ونبض القلب قالى إنه جى ومجاش

••

هى الحاجات والمحتاجات هيا

تحضر فيحضر كل شيء فيا

تروح وتيجى وتيجى بس تروح

وتسيب فى قلبى عشقها المطروح

••

الصورة والتفاصيل

والدنيا من جوه

الحلم والأسرار

كات باختصار حوا

فكرت يومها أهرب

كانت لى بالقوة