لما كنا صغيرين

البراءة  مرسومة

على الوشوش

والكلام بيخرج

من القلب

بدون رتوش

عصافير كناريا

طايرة بجناحتها

جوا قفص بابه

مفتوح

تحط فين ما تروح

من غير ما تتحبس

فيه الروح

صوت الحرية عالى

تصرح به وتبوح

من غير خوف

أو صوت مبحوح

العود أخضر ندى

والحلم.. فى عيون

الصبى.. ريحته

بتفوح

الفرح دايما غالب

الحزن والدموع

وبكره زى النهارده

كتاب مفتوح

ويفضل

السؤال مطروح

ليه.. 

لما بنكبر كل ده

بيروح