الأحد 3 يوليو 2022
رئيس مجلس الإدارة
هبة صادق
رئيس التحرير
وليد طوغان

كلمة أقوى مــن الرصاص

الكلمة كانت أقوَى من نارهم



كانت رصاصة فى قلب كل خسيس

الخوف غواهم عدّوا أسوارهم

قتلوا النهار والورد فى الأصّيص

النور بصيص بتعدّى منه «شيرين»

مَهما تشيلو سلاح الجُبن جوّا العين

كل البيوت حزنت كل الأراضى دموع

و«شيرين» بتزرع فَجر

قمرة بتضوى سطوع

أطفال فى إيدها شموع

وشيوخ بتدعى تعيش

صوتها ولا المدفع

ادفع كمان ادفع

وأمسك سلاح ورصاص

وبكلمة راح تتهز

فلتحيا كل «شيرين»

فلتحيا أراضينا

ولحد يوم الدين

هنغنى لفلسطين

وتعيش أسامينا

محفورة بدمانا

محروسة فى عنينا