غناوى رمضان 4
الأربعاء 5 مايو 2021
كتب
مى منصور
ياسيدى نظرة
ياسيدى مددين
أنا جيت لأهل البيت
والأوليا الصالحين
طمعان وكلى عشم
أملا المقام دنادين
وأتوه فى حب الله
أحضر مع الغايبين
عشمان فى كرم الله
متردنيش يا كريم
أنا جى وطالب خير
والشهر شهر الخير
رافع جبينى دعا
بالدمع والكفين
ياسيدى نظرة
ياسيدى مددين
متردنيش ياكريم
كل الشوارع غنا
مرحب يا شهر الصوم
يملا البيوت بالهنا
قبل النهار م يقوم
زينة وفرحة فى القلوب
والحزن صابه اللوم
فوانيس وضحك عيال
وعريس وفرحته شهر
مش ساعة ولا يومين
دى الفرحة 30 يوم
مرحب يا شهر الصوم
