كراملة
جمال بخيت
[if gte mso 9]>
قرب يارزق.. كرامة لله
إن شالله.. حتة كراملة
وطن جميل.. والدين لله
لا تقول لى مذهب ولا ملة
باحب عمر بن الخطاب
وباحب نيلسون مانديلا
كرامة لله.. كراملة
كراملة.. ف البق تحلى
ف الأرض نسعى ونصلى
واللى يحب يحب.. يحب
واللى يعوز يغطس ويقب
واللى يعوز يلبس قبقاب
أو بنطلون.. ولا فانلة
باحب عمر ابن الخطاب
وباحب نيلسون مانديلا
ياصاحبى عيش ولا تستنى
حريتك هية الجنة
ياحبيبتى عدى خطوط السير
أنا مش وصى على حق الغير
مادام ما بنضرش أحباب
والشمس عايشة مع الضلة
باحب عمر ابن الخطاب
وباحب نيلسون مانديلا
أنا حر.. أمر.. مكان ما أمر
وأدوق بنفسى حلو ومر
أحضر .. أغيب .. أسكت وأقول
حريتى.. وأنا المسئول
مايهمنيش كدب الكداب
ولا الدماغ المحوّلة
باحب عمر ابن الخطاب
وأحب نيلسون مانديلا∎