أحمد حلمى.. حولت ودانى المطرطقة لميزة

يحكى الفنان أحمد حلمى فى أحد فيديوهات الحملة «أصريت وحولت كل الكلام اللى كان بيتقال فى محاولة أنه يهدنى لطاقة وقدرة ولقوة ولصلابة أنى أثبت لنفسى أولًا أن الكلام دا مش فيا وأن الكلام اللى سمعته مش حقيقى.. والحاجة الوحيدة اللى مقدرتش أغيرها هى ودانى.. زى ماهى.. مطرطقة.. بس أنا حولتها لعلامة مميزة».
وقال «اوعى حد يأثر فيك وثق فى نفسك»، وأحث الآباء على ضرورة أن يصبحوا أصدقاء لأبنائهم؛ لأنه من الضرورى أن يروى الطفل لذويه كل ما يتعرض له من تنمر سواءً فى المدرسة أو النادى».
 ووجهت الفنانة منى زكى سفيرة النوايا الحسنة لليونيسيف رسالة للأطفال عبر فيديو على «فيس بوك» «التنمر هو إنك تهين زمايلك وتوصلهم لمرحلة من الإحباط والاكتئاب عبر التريقة وبيعمل كدا بلطجى الشلة واللى عايز يبين قوته بإنه يهين اللى حواليه».
واستأنفت «التنمر شيء صعب جدًا فى حياتنا وبيئذى الأطفال من سن 5 سنين وحتى فترة المراهقة وأنا متأكدة إنه لما نعرف طريقة توقيف التنمر هنعرف كويس أوى نستخدمها ومتبقاش أزمة فى حياتنا ومتوصلش لناس بنحبها».
وتوجهت بالنصح للأطفال قائلة «الخوف والضعف هيختفوا  لما يبقى عندك القوة وتتوقف عن السكوت.. وواجه التنمر.. أنت هتقدر تعمل كدا أنت أو الناس اللى بتشوف دا قدامها انتوا تقدروا توقفوا الشخص المتنمر عند حده وتدافع وتبقى سند لناس كتير حواليك من وانت حتى صغير».
وقالت الفنان يسرا «إلى كل من يتعرض للتنمر أنا مش عايزاه يخاف ولازم يواجه».
وقالت الفنانة الشابة تارا عماد «كانوا بيتريقوا كتير عليا وأنا صغيرة على طولى.. بس إنك تطلب المساعدة دا مش ضعف». •