عمال ولادنا والجدود عمال

كلمات: فؤاد قاعود
ألحان سيد مكاوى
غناء المجموعة
سجلت للإذاعة 1968

عمال ولادنا والجدود عمال
ضاربين ايدينا فى الصعاب أهوال
نشعل فى يوم المعركة ثورة
ونغنى فى يوم السلام موال..
الله أكبر والإيدين طالعة
الله أكبر والإيدين نازلين
نازلين على رأس العدو ولعة
وفوق جبين الحر طوق ياسمين
إحنا الصنايعية إحنا الأمل والغد
فى إيدينا شدية تظهر فى وقت الجد
نشعل فى يوم المعركة ثورة
ونغنى فى يوم السلام موال
عمال على طول الطريق الأخضر
ندق دقة حب ع السندان
فى قلبنا الأحلام بتتمخطر
ونغنى غنوة مجد للإنسان
إحنا الشدود السمر
إحنا الكفاح والعمل
مهما وهبنا العمر
بان ع الطريق الأمل
نشعل فى يوم المعركة ثورة
ونغنى فى يوم السلام موال.