تجعيدة العواجيز
الأربعاء 16 نوفمبر 2022
كتب
مي منصور
صباح الخير يا روح قلبى
صباح عينك بتحرسنى وتدعى فينفرج كربى
دروب الناس تغربنى
وخطوك وحده يهدينى على دربى
صباح طيب كما حضنك
صباح بسـام
يا أول عشقى والآخر ونصه كمان
يوماتى بصلى بحروفك
وبرشمهم كما الصلبان
وأشوفك ف الخريف أخضر
وأشوفك ف الجحيم ريان
ودايما انتى شايفانى ملاك الرب
ودايما يامّه شايفينى من البراويز
وأنا وحدى بشوف نفسى
كما التجعيدة ف العواجيز