الخميس 28 مارس 2024
رئيس مجلس الإدارة
هبة صادق
رئيس التحرير
وليد طوغان

جيم من البيت وأنظمة غذائية أونلاين

عقب صدور قرار غلق الصالات والمراكز الرياضية، ضمن إجراءات الحد من انتشار فيروس كورونا، أغلق Gold’s Gym كافة فروعه على مستوى العالم، لتتوقف تدريبات آلاف المصريين ممن يرتادون هذه المراكز والصالات الرياضية، من النساء والرجال، لكن المنع شمل الممارسة بالصالات فقط، ووجد بعض المسئولين عن تلك الصالات أو المدربين بداخلها أفكارًا بديلة، حتى لا تتعرض أجسامهم وأجسام من اعتادوا على ممارسة بعض التمارين للتدهور البدنى ..



كابتن عبد الرحمن أحمد، أحد المدربين بجولدز جيم بالمهندسين، نشر فى يوم الإغلاق «هأنزل تمارين ونصايح تساعدك فى البيت عشان على الأقل تحافظ على جسمك»، عبر جروب Health Keepers الذى يركز على نشر الأنظمة الغذائية التى تحافظ على الوزن المثالى، والفيديوهات التى توضح التمارين المناسبة لكل من يريد تقوية عضلاته وتخسيس بعض المناطق بجسمه، ويضم روادا ممن يريدون تشجيع غيرهم على إنقاص وزنهم بوضع صور «قبل وبعد» اتباع الأنظمة الغذائية المساعدة على تقليل الوزن والحصول على القوام المثالى. «بدأت أروح جيم وأحافظ على نظام غذائى صحى من سن 14، روحت أكتر من جيم واتمرنت مع مدربين كبار « ومنذ 4 أشهر، انتقل كابتن عبد الرحمن، الطالب بتجارة حلوان، إلى عمله فى الصالة بعد حصوله على كورسات إلى جانب التعليم الذاتى بالقراءة المستمرة والمتابعة لأكبر المدربين المصريين والعالميين، حتى يتمكن بعدها من الحصول على بطولات فى هذا النوع من الرياضة، التى مكنته من كسب ثقة الكثير من رواد الجيم ليختاروه كى يكون مدربهم الخاص، «أى واحد بيجى الجيم لأول مرة بيجرب كل مدرب ويشوف هيرتاح مع طريقة مين أكتر ويرتاح له شخصيا، ويفهم طبيعة جسمه والتمارين اللى محتاجها والنظام الغذائى» هكذا قال.

نقل عبد الرحمن التمارين أونلاين، بمبادرة فردية، بنشر فيديوهات وصور للتمارين المساعدة على حرق الدهون والمفيدة لعضلات القدم والفقرات والرقبة وغيرها.  «عاش يا كوتش.. شكرا جدا احنا متابعين باستمرار ومحتاجين تمارين كارديو وتسخين.. التمارين دى لمدة نص ساعة متواصل أفضل ولا أعملها مجموعات.. يا ريت إفادة فى موضوع كيفية التخلص من الكرش.. يا ريت فى أسرع وقت قبل جسمى ما يبوظ»، تعليقات بدأ أعضاء المجموعة بكتابتها على ما نشره 

عبد الرحمن متفاعلين معه ومشجعينه على مبادرته، يوضح عبد الرحمن فى الفيديوهات تأثير بعض التمارين على الأمراض المزمنة كأمراض القلب والضغط والسكر، وأصحاب أمراض العظام ومن لديهم مشاكل بفقرات الظهر والرقبة وغيرها، والمعدل المناسب لممارسة تلك التمرينات. «فى ناس أيدت الفكرة جدا لأنهم قاعدين فى البيت مابيتمرنوش وفى ناس ماحبتش الموضوع، خاصة المحترفين والمدربين الكبار.. فى تمارين محتاجة أجهزة معينة ومساحات فراغ وحواجز بتكون موجودة فى صالات الجيم ومش متاحة فى البيت، ده غير إننا محتاجين نشيل أوزان.. الناس دى شافت إنها مش هتقدر تنقل كل ده للبيت ومش هيكون مجدى  بالنسبة لهم فكرة التمارين أونلاين والتنفيذ من المنزل، لكن ده كان أحسن الحلول فى الوقت الحالى حفاظا على شكل الجسم، وفى نفس الوقت حماية لينا منعا لانتقال أى فيروس»، وفقا لكابتن عبدالرحمن.